Сїрахъ 48

Бі́блїа. Синодальная типография, 1901
1И҆ воста̀ и҆лїа̀ прⷪ҇ро́къ ꙗ҆́кѡ ѻ҆́гнь, и҆ сло́во є҆гѡ̀ ꙗ҆́кѡ свѣща̀ горѧ́ше:
2и҆́же нанесѐ на нѧ̀ гла́дъ и҆ ре́вностїю свое́ю ᲂу҆ма́ли ѧ҆̀,
3сло́вомъ гдⷭ҇нимъ ᲂу҆держа̀ не́бо и҆ сведѐ та́кѡ три́жды ѻ҆́гнь съ небесѐ.
4Ко́ль просла́вилсѧ є҆сѝ, и҆лїѐ, чꙋдесы̀ твои́ми, и҆ кто̀ подо́бенъ тебѣ̀ похвали́тисѧ;
5Воздви́гнꙋвъ мертвеца̀ ѿ сме́рти и҆ и҆з̾ а҆́да сло́вомъ вы́шнѧгѡ,
6сведы́й цари̑ въ па́гꙋбꙋ и҆ просла́влєнныѧ ѿ ѻ҆дра̀ и҆́хъ,
7слы́шавый въ сїна́и ѡ҆бличе́нїе и҆ въ хѡри́вѣ сꙋдьбы̑ ѿмще́нїѧ,
8помазꙋ́ѧй цари̑ на воздаѧ́нїе и҆ прⷪ҇ро́ки прее́мники по себѣ̀,
9взѧ́выйсѧ ви́хромъ ѻ҆́гненнымъ на колесни́цѣ ко́ней ѻ҆́гненныхъ,
10впи́санъ во ѡ҆бличє́нїѧ на времена̀, ᲂу҆толи́ти гнѣ́въ пре́жде ꙗ҆́рости и҆ ѡ҆брати́ти се́рдце ѻ҆́тчее къ сы́нꙋ и҆ ᲂу҆стро́ити кѡлѣ́на і҆а̑кѡвлѧ.
11Блаже́ни ви́дѣвшїи тѧ̀ и҆ любо́вїю ᲂу҆кра́шеннїи.
12И҆́бо мы̀ житїе́мъ поживе́мъ.
13И҆лїа̀, и҆́же ви́хромъ покрове́нъ бы́сть, и҆ є҆лїссе́й и҆спо́лнисѧ дꙋ́ха є҆гѡ̀ и҆ во дни̑ своѧ̑ не поколеба́сѧ ѿ кнѧзе́й, и҆ не премо́же є҆гѡ̀ никто́же:
14всѧ́ко сло́во не превзы́де є҆гѡ̀, и҆ во ᲂу҆спе́нїи прⷪ҇ро́чествова тѣ́ло є҆гѡ̀:
15и҆ въ житїѝ свое́мъ сотворѝ чꙋдеса̀, и҆ во ᲂу҆ме́ртвїи ди̑вна дѣла̀ є҆гѡ̀.
16Во всѣ́хъ си́хъ не пока́ѧшасѧ лю́дїе и҆ не ѿстꙋпи́ша ѿ грѣ̑хъ свои́хъ, до́ндеже плѣне́ни бы́ша ѿ землѝ своеѧ̀ и҆ расточе́ни бы́ша по все́й землѝ.
17И҆ ѡ҆ста́сѧ люді́й ма́лѡ, и҆ кнѧ́зь въ домꙋ̀ даві́довѣ.
18Нѣ́цыи ᲂу҆́бѡ ѿ ни́хъ сотвори́ша ᲂу҆го́дное, нѣ́цыи же ᲂу҆мно́жиша грѣхѝ.
19Є҆зекі́а ᲂу҆твердѝ гра́дъ сво́й и҆ введѐ посредѣ̀ є҆гѡ̀ во́дꙋ: и҆скопа̀ желѣ́зомъ ка́мень и҆ созда̀ и҆сто́чники вода́мъ.
20Во дне́хъ є҆гѡ̀ взы́де сеннахирі́мъ и҆ посла̀ раѱа́ка, и҆ воздви́же рꙋ́кꙋ свою̀ на сїѡ́на и҆ возвели́чисѧ горды́нею свое́ю.
21Тогда̀ подвиго́шасѧ сердца̀ и҆ рꙋ́цѣ и҆́хъ, и҆ поболѣ́ша ꙗ҆́кѡ ражда́ющыѧ.
22И҆ помоли́шасѧ гдⷭ҇ꙋ млⷭ҇тивомꙋ, воздѣ́вше рꙋ́ки своѧ̑ къ немꙋ̀:
23и҆ ст҃ы́й съ нб҃сѐ ско́рѡ ᲂу҆слы́ша ѧ҆̀ и҆ и҆зба́ви ѧ҆̀ рꙋко́ю и҆са́їиною:
24поразѝ полкѝ а҆ссѷрі̑йскїѧ, и҆ сокрꙋшѝ ѧ҆̀ а҆́гг҃лъ є҆гѡ̀.
25Сотвори́ бо є҆зекі́а ᲂу҆го́дное гдⷭеви и҆ ᲂу҆крѣпи́сѧ на пꙋте́хъ даві́да ѻ҆тца̀ своегѡ̀, ꙗ҆̀же заповѣ́да и҆са́їа, прⷪ҇ро́къ ве́лїй и҆ вѣ́ренъ въ видѣ́нїи свое́мъ.
26Во дне́хъ є҆гѡ̀ воспѧти́сѧ со́лнце, и҆ приложѝ житїѧ̀ царе́ви:
27дꙋ́хомъ ве́лїимъ ви́дѣ послѣ̑днѧѧ и҆ ᲂу҆тѣ́ши сѣ́тꙋющыѧ въ сїѡ́нѣ:
28да́же до вѣ́ка показа̀ бꙋ̑дꙋщаѧ и҆ сокровє́наѧ, пре́жде не́же прїитѝ и҆̀мъ.

1И҆ воста̀ и҆лїа̀ прⷪ҇ро́къ ꙗ҆́кѡ ѻ҆́гнь, и҆ сло́во є҆гѡ̀ ꙗ҆́кѡ свѣща̀ горѧ́ше:

2и҆́же нанесѐ на нѧ̀ гла́дъ и҆ ре́вностїю свое́ю ᲂу҆ма́ли ѧ҆̀,

3сло́вомъ гдⷭ҇нимъ ᲂу҆держа̀ не́бо и҆ сведѐ та́кѡ три́жды ѻ҆́гнь съ небесѐ.

4Ко́ль просла́вилсѧ є҆сѝ, и҆лїѐ, чꙋдесы̀ твои́ми, и҆ кто̀ подо́бенъ тебѣ̀ похвали́тисѧ;

5Воздви́гнꙋвъ мертвеца̀ ѿ сме́рти и҆ и҆з̾ а҆́да сло́вомъ вы́шнѧгѡ,

6сведы́й цари̑ въ па́гꙋбꙋ и҆ просла́влєнныѧ ѿ ѻ҆дра̀ и҆́хъ,

7слы́шавый въ сїна́и ѡ҆бличе́нїе и҆ въ хѡри́вѣ сꙋдьбы̑ ѿмще́нїѧ,

8помазꙋ́ѧй цари̑ на воздаѧ́нїе и҆ прⷪ҇ро́ки прее́мники по себѣ̀,

9взѧ́выйсѧ ви́хромъ ѻ҆́гненнымъ на колесни́цѣ ко́ней ѻ҆́гненныхъ,

10впи́санъ во ѡ҆бличє́нїѧ на времена̀, ᲂу҆толи́ти гнѣ́въ пре́жде ꙗ҆́рости и҆ ѡ҆брати́ти се́рдце ѻ҆́тчее къ сы́нꙋ и҆ ᲂу҆стро́ити кѡлѣ́на і҆а̑кѡвлѧ.

11Блаже́ни ви́дѣвшїи тѧ̀ и҆ любо́вїю ᲂу҆кра́шеннїи.

12И҆́бо мы̀ житїе́мъ поживе́мъ.

13И҆лїа̀, и҆́же ви́хромъ покрове́нъ бы́сть, и҆ є҆лїссе́й и҆спо́лнисѧ дꙋ́ха є҆гѡ̀ и҆ во дни̑ своѧ̑ не поколеба́сѧ ѿ кнѧзе́й, и҆ не премо́же є҆гѡ̀ никто́же:

14всѧ́ко сло́во не превзы́де є҆гѡ̀, и҆ во ᲂу҆спе́нїи прⷪ҇ро́чествова тѣ́ло є҆гѡ̀:

15и҆ въ житїѝ свое́мъ сотворѝ чꙋдеса̀, и҆ во ᲂу҆ме́ртвїи ди̑вна дѣла̀ є҆гѡ̀.

16Во всѣ́хъ си́хъ не пока́ѧшасѧ лю́дїе и҆ не ѿстꙋпи́ша ѿ грѣ̑хъ свои́хъ, до́ндеже плѣне́ни бы́ша ѿ землѝ своеѧ̀ и҆ расточе́ни бы́ша по все́й землѝ.

17И҆ ѡ҆ста́сѧ люді́й ма́лѡ, и҆ кнѧ́зь въ домꙋ̀ даві́довѣ.

18Нѣ́цыи ᲂу҆́бѡ ѿ ни́хъ сотвори́ша ᲂу҆го́дное, нѣ́цыи же ᲂу҆мно́жиша грѣхѝ.

19Є҆зекі́а ᲂу҆твердѝ гра́дъ сво́й и҆ введѐ посредѣ̀ є҆гѡ̀ во́дꙋ: и҆скопа̀ желѣ́зомъ ка́мень и҆ созда̀ и҆сто́чники вода́мъ.

20Во дне́хъ є҆гѡ̀ взы́де сеннахирі́мъ и҆ посла̀ раѱа́ка, и҆ воздви́же рꙋ́кꙋ свою̀ на сїѡ́на и҆ возвели́чисѧ горды́нею свое́ю.

21Тогда̀ подвиго́шасѧ сердца̀ и҆ рꙋ́цѣ и҆́хъ, и҆ поболѣ́ша ꙗ҆́кѡ ражда́ющыѧ.

22И҆ помоли́шасѧ гдⷭ҇ꙋ млⷭ҇тивомꙋ, воздѣ́вше рꙋ́ки своѧ̑ къ немꙋ̀:

23и҆ ст҃ы́й съ нб҃сѐ ско́рѡ ᲂу҆слы́ша ѧ҆̀ и҆ и҆зба́ви ѧ҆̀ рꙋко́ю и҆са́їиною:

24поразѝ полкѝ а҆ссѷрі̑йскїѧ, и҆ сокрꙋшѝ ѧ҆̀ а҆́гг҃лъ є҆гѡ̀.

25Сотвори́ бо є҆зекі́а ᲂу҆го́дное гдⷭеви и҆ ᲂу҆крѣпи́сѧ на пꙋте́хъ даві́да ѻ҆тца̀ своегѡ̀, ꙗ҆̀же заповѣ́да и҆са́їа, прⷪ҇ро́къ ве́лїй и҆ вѣ́ренъ въ видѣ́нїи свое́мъ.

26Во дне́хъ є҆гѡ̀ воспѧти́сѧ со́лнце, и҆ приложѝ житїѧ̀ царе́ви:

27дꙋ́хомъ ве́лїимъ ви́дѣ послѣ̑днѧѧ и҆ ᲂу҆тѣ́ши сѣ́тꙋющыѧ въ сїѡ́нѣ:

28да́же до вѣ́ка показа̀ бꙋ̑дꙋщаѧ и҆ сокровє́наѧ, пре́жде не́же прїитѝ и҆̀мъ.

DHonorare

Сїрахъ 48