Сїрахъ 32

Бі́блїа. Синодальная типография, 1901
1Старѣ́йшинꙋ ли тѧ̀ поста́виша, не возноси́сѧ, но бꙋ́ди въ ни́хъ ꙗ҆́кѡ є҆ди́нъ ѿ ни́хъ:
2попецы́сѧ и҆́ми, и҆ та́кѡ сѧ́ди. И҆ всю̀ потре́бꙋ твою̀ сотвори́въ возлѧ́зи,
3да возвесели́шисѧ и҆́хъ ра́ди и҆ красоты̀ ра́ди прїи́меши вѣне́цъ.
4Глаго́ли, старѣ́йшино, подоба́етъ бо тѝ,
5и҆спы́тною хи́тростїю и҆ не возбранѝ мꙋсїкі́и:
6и҆дѣ́же слꙋ́шанїе( бꙋ́детъ) , не и҆злива́й бесѣ́ды и҆ без̾ вре́мене не мꙋдри́сѧ.
7Печа́ть а҆нѳра́ѯа на ᲂу҆краше́нїи зла́тѣ, и҆ сладкогла́сїе мꙋсїкі́євъ въ пи́ршествѣ вїна̀.
8Во ᲂу҆краше́нїи златѣ́мъ печа́ть смара́гдова, сладкопѣ́нїе мꙋсїкі́євъ по сла́дцѣмъ вїнѣ̀.
9Глаго́ли, ю҆́ноше, а҆́ще тебѣ̀ є҆́сть потре́ба, є҆два̀ два́щи, а҆́ще вопроше́нъ бꙋ́деши:
10сократѝ сло́во, ма́лыми мнѡ́гаѧ( и҆зглаго́ли) : бꙋ́ди ꙗ҆́кѡ вѣ́дый и҆ вкꙋ́пѣ молчѧ̀.
11Посредѣ̀ вельмо́жъ не ра́венъ твори́сѧ и҆ и҆но́мꙋ глаго́лющꙋ не многосло́ви.
12Пре́жде гро́ма предварѧ́етъ мо́лнїѧ, и҆ пре́жде стыдли́вагѡ предварѧ́етъ благода́ть.
13Во вре́мѧ востава́й, а҆ не послѣдѝ( и҆ны́хъ) , въ до́мъ ѿидѝ и҆ не лѣни́сѧ:
14та́мѡ и҆гра́й и҆ творѝ помышлє́нїѧ твоѧ̑, и҆ не согрѣша́й сло́вомъ го́рдымъ.
15И҆ ѡ҆ си́хъ благословѝ сотво́ршаго тѧ̀ и҆ ᲂу҆поева́ющаго тѧ̀ ѿ бл҃гъ свои́хъ.
16Боѧ́йсѧ гдⷭ҇а прїи́метъ наказа́нїе, и҆ ᲂу҆́тренюющїи ѡ҆брѧ́щꙋтъ бл҃говоле́нїе.
17И҆ща́й зако́на насы́титсѧ є҆гѡ̀, и҆ лицемѣ́рствꙋѧй соблазни́тсѧ ѡ҆ не́мъ.
18Боѧ́щїисѧ гдⷭ҇а ѡ҆брѧ́щꙋтъ сꙋ́дъ и҆ ѡ҆правда̑нїѧ ꙗ҆́кѡ свѣ́тъ возжгꙋ́тъ.
19Человѣ́къ грѣ́шникъ ᲂу҆кланѧ́етсѧ ѿ ѡ҆бличе́нїѧ и҆ по во́ли свое́й ѡ҆брѣта́етъ и҆звине́нїе.
20Мꙋ́жъ совѣ́тный не пре́зритъ размышле́нїѧ, чꙋжды́й же и҆ го́рдый не ᲂу҆бои́тсѧ стра́ха и҆ по сотворе́нїи свое́мъ без̾ совѣ́та.
21Без̾ совѣ́та ничесо́же творѝ, и҆ є҆гда̀ сотвори́ши, не раскаѧва́йсѧ.
22На пꙋтѝ паде́нїѧ не ходѝ и҆ не претыка́йсѧ ѡ҆ ка́менїе:
23не вѣ́рꙋй пꙋтѝ, въ не́мже не претыка́ешисѧ, и҆ ѿ ча̑дъ свои́хъ храни́сѧ.
24Во всѧ́цѣмъ дѣ́лѣ бла́зѣ вѣ́рꙋй дꙋше́ю твое́ю, и҆́бо сїѐ є҆́сть соблюде́нїе за́повѣдїй.
25Вѣ́рꙋѧй зако́нꙋ внима́етъ за́повѣдемъ, и҆ ᲂу҆пова́ѧй на гдⷭ҇а не ᲂу҆ма́литсѧ.

1Старѣ́йшинꙋ ли тѧ̀ поста́виша, не возноси́сѧ, но бꙋ́ди въ ни́хъ ꙗ҆́кѡ є҆ди́нъ ѿ ни́хъ:

2попецы́сѧ и҆́ми, и҆ та́кѡ сѧ́ди. И҆ всю̀ потре́бꙋ твою̀ сотвори́въ возлѧ́зи,

3да возвесели́шисѧ и҆́хъ ра́ди и҆ красоты̀ ра́ди прїи́меши вѣне́цъ.

4Глаго́ли, старѣ́йшино, подоба́етъ бо тѝ,

5и҆спы́тною хи́тростїю и҆ не возбранѝ мꙋсїкі́и:

6и҆дѣ́же слꙋ́шанїе( бꙋ́детъ) , не и҆злива́й бесѣ́ды и҆ без̾ вре́мене не мꙋдри́сѧ.

7Печа́ть а҆нѳра́ѯа на ᲂу҆краше́нїи зла́тѣ, и҆ сладкогла́сїе мꙋсїкі́євъ въ пи́ршествѣ вїна̀.

8Во ᲂу҆краше́нїи златѣ́мъ печа́ть смара́гдова, сладкопѣ́нїе мꙋсїкі́євъ по сла́дцѣмъ вїнѣ̀.

9Глаго́ли, ю҆́ноше, а҆́ще тебѣ̀ є҆́сть потре́ба, є҆два̀ два́щи, а҆́ще вопроше́нъ бꙋ́деши:

10сократѝ сло́во, ма́лыми мнѡ́гаѧ( и҆зглаго́ли) : бꙋ́ди ꙗ҆́кѡ вѣ́дый и҆ вкꙋ́пѣ молчѧ̀.

11Посредѣ̀ вельмо́жъ не ра́венъ твори́сѧ и҆ и҆но́мꙋ глаго́лющꙋ не многосло́ви.

12Пре́жде гро́ма предварѧ́етъ мо́лнїѧ, и҆ пре́жде стыдли́вагѡ предварѧ́етъ благода́ть.

13Во вре́мѧ востава́й, а҆ не послѣдѝ( и҆ны́хъ) , въ до́мъ ѿидѝ и҆ не лѣни́сѧ:

14та́мѡ и҆гра́й и҆ творѝ помышлє́нїѧ твоѧ̑, и҆ не согрѣша́й сло́вомъ го́рдымъ.

15И҆ ѡ҆ си́хъ благословѝ сотво́ршаго тѧ̀ и҆ ᲂу҆поева́ющаго тѧ̀ ѿ бл҃гъ свои́хъ.

16Боѧ́йсѧ гдⷭ҇а прїи́метъ наказа́нїе, и҆ ᲂу҆́тренюющїи ѡ҆брѧ́щꙋтъ бл҃говоле́нїе.

17И҆ща́й зако́на насы́титсѧ є҆гѡ̀, и҆ лицемѣ́рствꙋѧй соблазни́тсѧ ѡ҆ не́мъ.

18Боѧ́щїисѧ гдⷭ҇а ѡ҆брѧ́щꙋтъ сꙋ́дъ и҆ ѡ҆правда̑нїѧ ꙗ҆́кѡ свѣ́тъ возжгꙋ́тъ.

19Человѣ́къ грѣ́шникъ ᲂу҆кланѧ́етсѧ ѿ ѡ҆бличе́нїѧ и҆ по во́ли свое́й ѡ҆брѣта́етъ и҆звине́нїе.

20Мꙋ́жъ совѣ́тный не пре́зритъ размышле́нїѧ, чꙋжды́й же и҆ го́рдый не ᲂу҆бои́тсѧ стра́ха и҆ по сотворе́нїи свое́мъ без̾ совѣ́та.

21Без̾ совѣ́та ничесо́же творѝ, и҆ є҆гда̀ сотвори́ши, не раскаѧва́йсѧ.

22На пꙋтѝ паде́нїѧ не ходѝ и҆ не претыка́йсѧ ѡ҆ ка́менїе:

23не вѣ́рꙋй пꙋтѝ, въ не́мже не претыка́ешисѧ, и҆ ѿ ча̑дъ свои́хъ храни́сѧ.

24Во всѧ́цѣмъ дѣ́лѣ бла́зѣ вѣ́рꙋй дꙋше́ю твое́ю, и҆́бо сїѐ є҆́сть соблюде́нїе за́повѣдїй.

25Вѣ́рꙋѧй зако́нꙋ внима́етъ за́повѣдемъ, и҆ ᲂу҆пова́ѧй на гдⷭ҇а не ᲂу҆ма́литсѧ.

DHonorare

Сїрахъ 32