Сїрахъ 17

Бі́блїа. Синодальная типография, 1901
1Гдⷭ҇ь созда̀ ѿ землѝ человѣ́ка, и҆ па́ки возвратѝ є҆го̀ въ ню̀.
2Дни̑ числа̀ и҆ вре́мѧ дадѐ и҆̀мъ, и҆ дадѐ и҆̀мъ вла́сть над̾ сꙋ́щими на не́й.
3Ꙗ҆́коже ѻ҆нѝ са́ми, ѡ҆блечѐ и҆̀хъ крѣ́постїю, и҆ по ѡ҆́бразꙋ своемꙋ̀ сотворѝ ѧ҆̀:
4и҆ положѝ стра́хъ є҆гѡ̀ на всѧ́цѣй пло́ти, є҆́же вла́стельствовати ѕвѣрьмѝ( и҆ скѡты̀) и҆ пти́цами.
5Помышле́нїе и҆ ѧ҆зы́къ и҆ ѻ҆́чи, ᲂу҆́ши и҆ се́рдце дадѐ и҆̀мъ размышлѧ́ти:
6хꙋдо́жествомъ ра́зꙋма и҆спо́лни ѧ҆̀ и҆ дѡ́браѧ и҆ ѕла̑ѧ показа̀ и҆̀мъ.
7Положи́лъ є҆́сть ѻ҆́ко своѐ на сердца́хъ и҆́хъ, показа́ти и҆̀мъ вели́чество дѣ́лъ свои́хъ,
8да и҆́мѧ ст҃ы́ни є҆гѡ̀ восхва́лѧтъ и҆ да повѣ́даютъ вели́чєства дѣ́лъ є҆гѡ̀.
9Приложи́лъ и҆̀мъ хꙋдо́жество и҆ зако́нъ живота̀ дадѐ въ наслѣ́дїе и҆̀мъ.
10Завѣ́тъ вѣ́чный поста́ви съ ни́ми и҆ сꙋдьбы̑ своѧ̑ показа̀ и҆̀мъ.
11Вели́чество сла́вы ви́дѣша ѻ҆чеса̀ и҆́хъ, и҆ сла́вꙋ гла́са и҆́хъ слы́ша ᲂу҆́хо и҆́хъ.
12И҆ речѐ и҆̀мъ: внемли́те ѿ всѧ́кїѧ непра́вды. и҆ заповѣ́да и҆̀мъ комꙋ́ждо ѡ҆ и҆́скреннемъ.
13Пꙋтїѐ и҆́хъ пред̾ ни́мъ вы́нꙋ, не ᲂу҆кры́ютсѧ ѿ ѻ҆́чїю є҆гѡ̀.
14Комꙋ́ждо ꙗ҆зы́кꙋ ᲂу҆стро́илъ вожда̀,
15и҆ ча́сть гдⷭ҇нѧ і҆и҃ль є҆́сть.
16Всѧ̑ дѣла̀ и҆́хъ ꙗ҆́кѡ со́лнце пред̾ ни́мъ, и҆ ѻ҆́чи є҆гѡ̀ вы́нꙋ на пꙋте́хъ и҆́хъ:
17не ᲂу҆кры́шасѧ непра̑вды и҆́хъ ѿ негѡ̀, и҆ всѝ грѣсѝ и҆́хъ пред̾ гдⷭ҇емъ.
18Ми́лостынѧ мꙋ́жа ꙗ҆́кѡ печа́ть съ ни́мъ, и҆ благода́ть человѣ́чꙋ ꙗ҆́кѡ зѣ́ницꙋ соблюде́тъ.
19По си́хъ воста́нетъ и҆ возда́стъ и҆̀мъ, и҆ воздаѧ́нїе и҆́хъ на главꙋ̀ и҆́хъ возда́стъ:
20ѻ҆ба́че ка́ющымсѧ да́лъ є҆́сть возвраще́нїе и҆ ᲂу҆тѣ́ши и҆знемога́ющихъ терпѣ́нїемъ.
21Ѡ҆брати́сѧ ᲂу҆̀бо ко гдⷭ҇ꙋ и҆ ѡ҆ста́ви грѣхѝ:
22помоли́сѧ пред̾ лице́мъ и҆ ᲂу҆ма́ли претыка̑нїѧ:
23восходѝ къ вы́шнемꙋ и҆ ѿврати́сѧ ѿ непра́вды, и҆ ѕѣлѡ̀ возненави́ди ме́рзость.
24Вы́шнѧго кто̀ восхва́литъ во а҆́дѣ, вмѣ́стѡ живы́хъ и҆ даю́щихъ и҆сповѣ́данїе;
25Ѿ мертвеца̀ ꙗ҆́кѡ ничто̀ сꙋ́щагѡ погиба́етъ и҆сповѣ́данїе:
26живы́й же и҆ здра́вый восхва́литъ гдⷭ҇а.
27Ко́ль вели́ка млⷭ҇ть гдⷭ҇нѧ и҆ ѡ҆чище́нїе ѡ҆браща́ющымсѧ къ немꙋ̀;
28Не мо́гꙋтъ бо всѧ̑ бы́ти въ человѣ́цѣхъ:
29ꙗ҆́кѡ не безсме́ртенъ сы́нъ человѣ́ческїй.
30Что̀ свѣтлѣ́е со́лнца; и҆ то̀ и҆счеза́етъ: и҆ ѕло̀ помы́слитъ пло́ть и҆ кро́вь.
31Си́лꙋ высоты̀ небе́сныѧ то́й са́мъ назира́етъ, человѣ́цы же всѝ землѧ̀ и҆ пе́пелъ.

1Гдⷭ҇ь созда̀ ѿ землѝ человѣ́ка, и҆ па́ки возвратѝ є҆го̀ въ ню̀.

2Дни̑ числа̀ и҆ вре́мѧ дадѐ и҆̀мъ, и҆ дадѐ и҆̀мъ вла́сть над̾ сꙋ́щими на не́й.

3Ꙗ҆́коже ѻ҆нѝ са́ми, ѡ҆блечѐ и҆̀хъ крѣ́постїю, и҆ по ѡ҆́бразꙋ своемꙋ̀ сотворѝ ѧ҆̀:

4и҆ положѝ стра́хъ є҆гѡ̀ на всѧ́цѣй пло́ти, є҆́же вла́стельствовати ѕвѣрьмѝ( и҆ скѡты̀) и҆ пти́цами.

5Помышле́нїе и҆ ѧ҆зы́къ и҆ ѻ҆́чи, ᲂу҆́ши и҆ се́рдце дадѐ и҆̀мъ размышлѧ́ти:

6хꙋдо́жествомъ ра́зꙋма и҆спо́лни ѧ҆̀ и҆ дѡ́браѧ и҆ ѕла̑ѧ показа̀ и҆̀мъ.

7Положи́лъ є҆́сть ѻ҆́ко своѐ на сердца́хъ и҆́хъ, показа́ти и҆̀мъ вели́чество дѣ́лъ свои́хъ,

8да и҆́мѧ ст҃ы́ни є҆гѡ̀ восхва́лѧтъ и҆ да повѣ́даютъ вели́чєства дѣ́лъ є҆гѡ̀.

9Приложи́лъ и҆̀мъ хꙋдо́жество и҆ зако́нъ живота̀ дадѐ въ наслѣ́дїе и҆̀мъ.

10Завѣ́тъ вѣ́чный поста́ви съ ни́ми и҆ сꙋдьбы̑ своѧ̑ показа̀ и҆̀мъ.

11Вели́чество сла́вы ви́дѣша ѻ҆чеса̀ и҆́хъ, и҆ сла́вꙋ гла́са и҆́хъ слы́ша ᲂу҆́хо и҆́хъ.

12И҆ речѐ и҆̀мъ: внемли́те ѿ всѧ́кїѧ непра́вды. и҆ заповѣ́да и҆̀мъ комꙋ́ждо ѡ҆ и҆́скреннемъ.

13Пꙋтїѐ и҆́хъ пред̾ ни́мъ вы́нꙋ, не ᲂу҆кры́ютсѧ ѿ ѻ҆́чїю є҆гѡ̀.

14Комꙋ́ждо ꙗ҆зы́кꙋ ᲂу҆стро́илъ вожда̀,

15и҆ ча́сть гдⷭ҇нѧ і҆и҃ль є҆́сть.

16Всѧ̑ дѣла̀ и҆́хъ ꙗ҆́кѡ со́лнце пред̾ ни́мъ, и҆ ѻ҆́чи є҆гѡ̀ вы́нꙋ на пꙋте́хъ и҆́хъ:

17не ᲂу҆кры́шасѧ непра̑вды и҆́хъ ѿ негѡ̀, и҆ всѝ грѣсѝ и҆́хъ пред̾ гдⷭ҇емъ.

18Ми́лостынѧ мꙋ́жа ꙗ҆́кѡ печа́ть съ ни́мъ, и҆ благода́ть человѣ́чꙋ ꙗ҆́кѡ зѣ́ницꙋ соблюде́тъ.

19По си́хъ воста́нетъ и҆ возда́стъ и҆̀мъ, и҆ воздаѧ́нїе и҆́хъ на главꙋ̀ и҆́хъ возда́стъ:

20ѻ҆ба́че ка́ющымсѧ да́лъ є҆́сть возвраще́нїе и҆ ᲂу҆тѣ́ши и҆знемога́ющихъ терпѣ́нїемъ.

21Ѡ҆брати́сѧ ᲂу҆̀бо ко гдⷭ҇ꙋ и҆ ѡ҆ста́ви грѣхѝ:

22помоли́сѧ пред̾ лице́мъ и҆ ᲂу҆ма́ли претыка̑нїѧ:

23восходѝ къ вы́шнемꙋ и҆ ѿврати́сѧ ѿ непра́вды, и҆ ѕѣлѡ̀ возненави́ди ме́рзость.

24Вы́шнѧго кто̀ восхва́литъ во а҆́дѣ, вмѣ́стѡ живы́хъ и҆ даю́щихъ и҆сповѣ́данїе;

25Ѿ мертвеца̀ ꙗ҆́кѡ ничто̀ сꙋ́щагѡ погиба́етъ и҆сповѣ́данїе:

26живы́й же и҆ здра́вый восхва́литъ гдⷭ҇а.

27Ко́ль вели́ка млⷭ҇ть гдⷭ҇нѧ и҆ ѡ҆чище́нїе ѡ҆браща́ющымсѧ къ немꙋ̀;

28Не мо́гꙋтъ бо всѧ̑ бы́ти въ человѣ́цѣхъ:

29ꙗ҆́кѡ не безсме́ртенъ сы́нъ человѣ́ческїй.

30Что̀ свѣтлѣ́е со́лнца; и҆ то̀ и҆счеза́етъ: и҆ ѕло̀ помы́слитъ пло́ть и҆ кро́вь.

31Си́лꙋ высоты̀ небе́сныѧ то́й са́мъ назира́етъ, человѣ́цы же всѝ землѧ̀ и҆ пе́пелъ.

DHonorare

Сїрахъ 17